Günümüzdə maliyyə savadlılığı gündəlik həyatda insanların qarşılaşdığı maliyyə vəziyyətlərinə qarşı öz problemlərini necə həll edə bilmə və planlı bir şəkildə qərarlar almanı göstərən qabiliyyəti kimi başa düşülür. Eyni zamanda maliyyə savadlılığı Azərbaycan Respublikasında maliyyə xidmətlərinin inkişafına dair Strateji Yol Xəritəsinin prioritet məsələlərindəndir.

Bununla bağlı Azərbaycanda fəaliyyət göstərən Invest AZ şirkətinin tədris meneceri Rövşən Məmmədov və analitik Anar Qəhrəmanov Maliyyə savadlılığı çərçivəsində Azərbaycan Dövlət Aqrar Universitetində olub, Universitetin Aqrar iqtisadiyyat fakültəsinin professor və müəllim heyəti ilə görüşərək təlim keçiblər.

Təlimi giriş sözü ilə açan Maliyyə və iqtisadi nəzəriyyə kafedrasının müdiri professor Məhərrəm Hüseynov qonaqları auditoriya iştirakçılarına təqdim edərək bugünkü görüşün mahiyyətindən bəhs edib. Ümumilikdə təlim çox interaktiv şəkildə keçib və tələbələri maraqlandıran suallar cavablandırılıb.